Ar Wagenn

Ha penaos e c'hell ur rejim « hollveliour » nevez en em staliañ adarre...?

> sellet    
> gouzout hiroc'h

E-pad ur sizhun stajoù pleustrek e-barzh ul lise e kinnig ur c'helenner d'an deskarded un taol-arnod hag a zo e bal deskiñ dezho penaos e c'hell ur rejim « hollveliour » en em staliañ ha mont war-raok. Dre ur c'hoari hag a implij perzhioù an tudennoù e tiwan tamm-ha-tamm ul lusk awenet gant an disiplin ha serret warnañ e-unan. Al lusk-se zo anvet « AR WAGENN ». War-lerc'h an trede devezh ez eo krog studierien zo da skarzhañ ha da heskinat ar re ha n'int ket a-du gante. Dres d'ar mare-mañ, ur wech boulc'het an emgannoù dre ur c'hrogad water-polo e tiviz ar c'helenner da glozañ an taol-arnod. Re ziwezhat eo avat. Deuet eo « AR WAGENN » da vevañ drezi hec'h-unan.

> serriñ

Short Cuts

Film brudet Robert Altman, bet al Leon Aour e 50vet Mostra Venezia e 1993.

> sellet    
> gouzout hiroc'h

O kemer harp war nav danevell hag ur barzhoneg skrivet gant Raymond Carver eo c'h eo Short Cuts ur veaj e Los Anjeles ar blovezhioù 90. Ur freskenn zon, planedennoù ha tonkadennoù 22 zudenn mesk ha mesk enni pa rankont talañ ouzh darvoudoù kriz, ouzh froumoù, ouzh plijadurioù ha degouzhioù ar vuhez pemdeziek.

> serriñ

Gold Men, rezistanted evit an Douar

Skignet evit ar wech-kentañ e brezhoneg e Roazhon, da vare ar festival Sine Yaouank, ur film nevez eo Gold Men (2009) a oa bet skignet e galleg war LCP.

> sellet    
> gouzout hiroc'h

Ur film brav, pedagogel ha talvoudus, pell eus kentelioù fur ha leun a vosac'h roet gant Home (Y.A. Bertrand) pe Le syndrome du Titanic (N.Hulot). Da skignañ e pep lec’h e Breizh hag e brezhoneg hep dale !

Graet e soñj gant Sebastien Viaud, kelenner yaouank ha
luc'hskeudenner, d'ober tro ar bed a-benn kejañ gant tud bet priziet
gant « Priz Goldman ». Par eo ar priz-mañ d'ur priz Nobel evit an endro.
Lodennet e pemp prantad ha kement all a digarez neuze da lakaat ar gaoz
gant tud disheñvel ha kudennoù an endro, e vez kontet gant ar film GOLD
MEN beaj Sebastien. Kinnig a ra deomp evit an amzer a-vremañ met ivez
evit hor dazont ur gwir preder dre gejadennoù gant « Rezistanded an
Douar ».

> serriñ